| HISTOIRE |
| GÉNÉALOGIE |
| SUJETS d'Actualité |
| NEWS |
| NOS SOURCES |
NOS PARTENAIRES :
| CONTACTS, MAILS |
 |
| Famille et Cousins |
| Photographies et CD |
Nota Bene: Ce texte est extrait des AD du Rhône, série 28H, f0 2093. Nous avons reproduit dans le texte qui suit les nombreuses abréviations, notées en gras et caractères italiques, en portant les formes abrégées en exposant, selon l'usage de l'époque passée.
Et advenant le Vingtiesme Jour du moys de fevrier de l'année 1615, Nous Commandeur, Commissaires et visiteurs generaulx Susdicts ,après avoir passé les rigueurs de l hivers dans la ville de lion, et partant d Icelle accompagnez de notre Secrétaire Sommes Transportes pour visiter L annexe et filleule de Saint Jean de Ventrigny parroisse de Chaufaille en masconnois diocese dudit mascon porsche d ung quart de lieu du chasteau et village de chaufaille, deppendant de la Commanderie de mascon, et distant d Icelle de Sept lieues, et de la dite ville de lion douze Lieues, OU estantz avons treuve Michel Marchand Laboureur dudit Village de Ventrigny fermier de la dite Annexe Ensemble Messire Benoit Petit procureu d'office dudit Seigneur Commandeur et fermier de l'annexe de fay, lesquels nous avons requis sur le Serment que nous avons receu de luy Sur les Saints Esvangilles de Dieu, de nous declarer enquoy Consiste ladite Annexe ou filleule Ensemble Ses chappelles domaines maisons dixmes cens et servis et auttres debvoirs, ensemble Ses Ruines, desperissements albergements allienations Usurpations ou ameilliorissements S il y en a, et autres choses.
Nous ont respondu ladite Annexe Concister en une chapelle desdiée soubs Le tiltre de Saint Jean Baptiste Nostre patron Laquelle n'est parroisse avis Seullement Ung oratoire de devotion Sans aulcune obligation de Service Sy ce n'est Le Jour de la Saint Jean Baptiste que Ledit Seigneur Commandeur ou Ses fermiers Sont obligez dy faire Cellebrer Messe.
Consiste aussy en quelques domaines terres tant cultes qu'incultes, Bois de haulte fustée, et taillis, ung pre Juridiction haulte moyenne et basse Sur le village de Ventrigny.
Ce qu'ayant entendus Sommes entrez dans ladite Chappelle scituée en Ung lieu Champetre au pendant d'une Colline distante d'une arquebusade dudit village de Ventrigny Seule, Sans y avoir aulcunes maisons ne austres bastimentz proche d Icelle, estant faite en forme quarrée, ayant Six Canes de long et deux et demy de large, Couverte de Bois et de thuilles Creuses à deux pendans, Ung clocher Sans aulcunes cloches, Sy bien Il y en avait Une Laquelle fut desrobée, il y a environ cinq ans, Comme ont dit les Susnommez Sans qu'on aye peu Scavoir Ceulx qui l'ont desrobée, ny moins Ledit Seigneur Commandeur en a fait aulcune recherche, dans laquelle Chappelle il y a ung autel de pierre rompu à ung Coing du coste de L'espitre, au dessus duquel autel est L image de Saint Jean rellevée en bosse, Cinq fenestres Sans grille ne Vittres, fermant ladite chappelle avec deux portes de Bois-
garnis de leurs ferremenz la grande fermant par le dedans avec une barre, et l autre avec sa Serrure et clef, une petite tribune avec Ung Coing et un Coffre au dessoubz et pour les charges d Icelle ne Sont aucune que d'y faire Cellebrer La messe de Saint Jean Baptiste , Comme Sus à estre dit.
Quant aux Dixmes nous ont dit et déclairé les susditsy avoir ung dixme despendant de ladite Chappelle au Village de qumsne (sic) parroisse de gernouche, et distant dudit ventrigny d'environ deux Lieues, Lequel Se portage entre Ledit Commendeur et le Seigneur de Gernouche, et Se prend Censes et Levé a la Vingtième gerbe, sy bien il se voulait prendre à l'onziesme, au subjet dequoy il a procez au parlement de paris -Comme les habitans dudit quinsié, lequel dixme pour la part dudit Seigneur Commendeur et si amodie à Claude Chamboit marchant dudit quinzié à la somme de vingt une Livre et si bien il y a une chappelle audit quinzié elle appartien à lordre, porce -----#2.
Touschant les domaines de terres labourables il y peut avoir environ en Ung tenant la semaille de douze mesures, et en terres Incultes et en Bruieres aboutissant audit Labourage il y peut avoir Cent mesures -faisant la charge ausquelles terres labourables Sy peut recueillir Communement Le quatriesme fruict Joignant lequel tennement y a Ung pre de la contenance d'environ (d'environ) trois charrettes de foing. Le tout Se Confrontant de la Bize aux prez La Chize, ung petit chemin entre deux, du levant le Ruisseau appelle de Combe prea et le pré de Messire George Rabi dudit Ventrigny du vent les terres des héritiers des Marchans dudit Ventrigny et du couchant aux prez desdits heritiers. Lesquelles terres ledit Seigneur ommendeur ou se héritiers les donnent à cultiver à qui en veult en donnant audit Seigneur la troiziesme gerbe néanmoins nous ont dit que le Seigneur de Chauffaille prenait les dixmes sur icelles, à la troiziesme gerbe, ce qui est contre nos privilèges portant exurpation de dixmes de tous nos domaines tellement que cela ne peut estre qu'une usurpation.
Davantage nous ont dit les susdits y avoir un Bois de Chaisne d'haute fustée proche dudit Village de Ventrigny appellé le gros bois de la Chappelle
Saint Jean Contenant environ Six mesures, s'il estait ensemancé, lequel Bois est fort depeuplé et clair, ayant esté mal usaagé, et joignant ledit Bois y a aussi ung autre Bois taillis Contenant environ Huict mesures, lequel est pareillement ruiné et destérioré par le moyen des habitants dudit village de Ventrigny estant lesdits Bois enclos et Confinez aux Bois desdits habitants qui estaient anciennement de ladite Commanderie, ayant esté Usurpéz par Lesdits habitants.
Pour Le regard des cens rentes feodalles et foncières nous ont dit les Susdits y en avoir plusieurs Sur ledit Village de Ventrigny, lesquelles les habitants emphiteoséz ne veullent payer ny recoignoistre de quoy Il y a procez entre Ledit Seigneur Commendeur et lesdits habitans au Baillage de Mascon.
Pour raison desquelles corvés ledit Seigneur Commandeur a droit de prendre les laudz en cas de Vente et allienation à raison de trois Solz quatre deniers pour Livre.
Et touschant la Juridiction dudit village de Ventrigny, elle appertien entièrement audit Seigneur Commandeur tant la haulte que moyenne et basse justice touttefois le Seigneur de Choffaille par usurpation présent se lattribuer surquoy Le Juge dudit Seigneur Commandeur qui est Monsieur philibert despierre a rendu sentence contre lesdits habitans et subiecz portant condampnation de nadvoir ny recoignoistre audit lieu de Ventrigny autre juridiction que celle dudit Seigneur Commandeur et de luy passer recoignoissance des denses rentes et directes de tout cedit village, comme il nous a apparu par lexibition que les susitz nous ont faict de ladite sentence en datte du 25 avril 1614, signée ledit Juge et par Monsieur Guy Bolnaiete advocat de Charrolles Accesseur de laquelle sentence lesdits habitans ont ins[..] appel au Baillage de Mascon ou le procez est encore indécis.
Laquelle juridiction de Ventrigny est enclose de Confronte de touttes partz à celle du Seigneur de Choffaille, estant exercée et administrée par les officiers que ledit Seigneur Commandeur y a establis et Instituéz.
Le Juge est ledit Monsieur despierre Notaire Royal de La Clayette auquel Gaiges ledit Seigneur Commandeurpaye annuellement dix Livres
Le prSocureur d'office Le Susdit Messire Benoit Petit praticien du Lieu de Fay proche de La Clayette qui a pour ses gaiges Cing Livres.
Et le greffier Messire Benoit Petit fils du Susdit, Lequel a semblables gaiges de Cinq Livres.
Et quant au Revenu annuel de ladite Annexe de Ventrigny Le Susdit Marchant, fermier, nous a exibé Un acte de Soubzamodiation que luy a esté passée d'Icelle par Ledit Messire Benoit Petit receu par Ledit Messire Despierre Notaire, en datte du pénultiesme décembre 1613, pour le temps et terme de quatre années Commenceant a la feste de Saint Martin d'Hivert de la dite année au prix de dix Sept Livres par an, à laquelle amodiation ledit Seigneur Commandeur moderne a consenty et approuvé Icelle par son escripture privée Insérée au bas dudit advenant
par ce _____________________________ #
Davantage partans de visiter ladite Annexe de Ventrigny et arrivant au bourg de la Clayette Somme entrez dans la maison du susdiit Messire Philibert Despierre Notaire et Juge de la dite Annexe de Fay, lequel nous avons requis Sur le Serment que nous avons reçeu de luy de nous déclarer faire revoir et visiter les anciens tiltres terriers et autres documentz Concernans ladite Annexe de Ventrigny. Soit pour les Censes rentes et directes ou pour la Juridiction a quoy il aurait Satisfait. Et à l'instant nous a exibé et faict revoir un Cayer des vieilles recoignoissances des censes et rentes deubes? audict Seigneur Commandeur de Mascon estantz receus par Monsieur pons ortolin Notaire de l'année 1390 en vieille escripture langaige Latin et du papier Contenant Vingt feuillets y manquant et deffaillants. Le premier feuillet et nous a aussi exibé autres tiltres terriers et documents concernant le membre et annexe de fay, lesquels Sont Incerez cy aprez en leur lieu.
Ce faict avons derechef enjoint audit Despierre Sur le niesme Serment Jures de luy de ne Se dessaissir en aucune fascon des susdits tiltres terriers et documentz, sinon que pour les Consigner à Messieurs du Vieux chapitre du grand prieré d auvergne St George à Lion, lesquels luy en donneront une descharge vallable a quoy il a promis de satisfaire.